منتدى كنيسة مارجرجس بالمدمر
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي



 
الرئيسيةالبوابةاليوميةمكتبة الصورس .و .جبحـثالتسجيلدخول

شاطر | 
 

 هل أخفي ما أنا فاعله؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابو ماضى
Admin
Admin


عدد المساهمات : 4763
تاريخ التسجيل : 27/02/2010
العمر : 44

مُساهمةموضوع: هل أخفي ما أنا فاعله؟   الأربعاء يوليو 27, 2011 8:32 am


حبايب المسيح الغاليين
فيه آية جميلة كثير أقف عندها
( فقال الرب هل اخفي عن ابراهيم ما انا فاعله؟.) ( تك 18: 17 )
الآية دي اتقالت لما كان ربنا ناوي يخرب سدوم و عمورة لأن شرهم زاد جدا و صعد قدام الرب
طيب و اشمعني يارب ابراهيم بالذات.؟؟؟....
لأن ابراهيم كان خليل ( صديق ) الله (يع 22: 23 )..
من أجمل المواقف بعد كده ..
أن ابراهيم بقي يفاصل مع ربنا ...و ربنا قبِّل كده !!!!...لأنه بيكلم حبيبه و صديقه ابراهيم ..
قعد يفاصل معاه يارب طيب لو لقيت 50 بار ..
طيب لو لقيت 45 و بعدين قال طيب يارب لو لقيت 20 طيب 10 ...
و ربنا يقوله ماشي علشان خاطرك انت بس يا ابراهيم هانزل كلمتي ..لغاية ما وصل انه مالقيش حتي 10 .... فإبراهيم سكت ....
مين يارب ابراهيم ده ؟...
ده تراب أنت خالقه ده مفيش حد يستاهل انه يكلمك ..انت ملك الملوك و رب الأرباب لكن يتناقش و يفاصل معاه !!!!!!..و انت كمان مش قادر تخفي علي اللي هتعمله ؟؟؟؟
لكن ربنا يقول ده ابراهيم ده حبيبي و صاحبي
وكمان من حب ربنا في ابراهيم قال لهفلا يدعى اسمك بعد ابرام بل يكون اسمك ابراهيم لاني اجعلك ابا لجمهور من الامم.)
تعرفوا ليه ربنا اضاف حروف ( ه , ي ) لاسم ابراهيم ؟؟؟
.لأن الحروف الأساسية في كلمة الله (يهوه ) في العبرية هي هذه الحروف ..فكأن ربنا بيقول يا ابراهيم انا من كتر حبي فيك هاضيف حرفين من اسمي لاسمك
تفتكروا ليه ربنا حب ابراهيم كـده ؟؟؟..
الرد بسيط قوي
لأنه كان خليل الله....
يعني صاحبه يعني كل شويه يكلم ربنا يتحاور معاه في كل حياته ....مدخل ربنا في كل شئ ..مع ان ابراهيم كان انسان تحت الضعف زينا ....و كان ليه أخطاؤه ..لكن كان بيحب ربنا جدا اكثر من أي شئ في الدنيا ..محبة أكيدة مش بس بالقول بس لكن بأفعال كتيرة قوي و بوقفات صلاة كتيرة ..عرف ربنا من خلالها و اتكلم معاه ..سمع لربنا و ربنا سمع له .و استلذوا بعض ...اتشاور معاه في كل حاجة... ماكانش ابراهيم يقدر يمشي خطوة من غير ما يأخذ برأيه

السؤال في الآخر ممكن نكون زي ابراهيــم ؟
..هاتقولوا طبعا لأ..
لأ مفيش حاجة مش ممكنه ...ربنا بيقولك في سفر أرميا :

( أدعني فأجيبك ..و أخبرك بعظائم و عوائص لم تعرفها ) ( أر 33: 3 ) . )
و قال المرنـــم :
( سر الرب لخائفيه ) ( مز 25 : 14 )
.فعلا فيه اشتياق دايم عجيب لربنا انه يعطي استجابة لصرخات القلب الصادقة .....
صدقوني ....
ربنا دايما مستعد انه يعطي ... و ان يكشف اسراره للانسان لكن محتاج لقلب يستقبل العطيـــة الجميلة دي و يتجاوب معاها ..ربنا بيكون عايز يتكلم لوجه متطلع اليه ....
يعني ممكن كل شئ بس بحاجة واحدة بالوصلة اللي بينا و بينه بالعلاقة الحية معاه ..بأني أشرك ربنا في كل جزء من حياتي .أصلي له أقف معاه اتحاور معاه و هو معايا .
جربوا حياة الصلاة مع ربنا .....و هتشوفوا الفــرق
فرق انك لما تكون حزين متضايق ..و ربنا يكشف لك عن حاجات كتير تساعدك انك تتحرر من ضيقك ده
لما تكون متحير ..تلاقي ربنا بيبعت اجابات عن طريق كلمة تسمعها ..كلمة في الانجيل تقراها

_________________
الرجوع الى أعلى الصفحة اذهب الى الأسفل
http://marygrgs.darbalkalam.com
 
هل أخفي ما أنا فاعله؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كنيسة مارجرجس بالمدمر :: الكتاب المقدس :: دراسات فى العهد القديم-
انتقل الى: